مرحباً ايها الشعب العظيم والجمهور الكريم
اسمي اكرم ازهر عمري 21 سنه وهاي المدونه الاخير من تحدي ال٢٩ يوم … وبهذا التحدي تحديت نفسي ب٢٩ يوم اخلص كورس كامل من شركة كوكل بالتسويق الالكتروني والفكره اجتي بعد مجنت ابحث عن اشياء اطور بيها ذاتي ولو بسيطه حتى ما يضيع وقت يومي بالالتزامات الحياتيه فقط فشفت بالتسويق الالكتروني فد اشياء مناسبه للي يدور براسي ان اتعلمه 🤩وبلشنا
ببداية التحدي جان الهدف دراسة التسويق الرقمي وناخذ شهاده ونشارك بتحدي ونسوي حركات ودقلات ولكن بعد اول ايام التحدي تغيير التفكير الى شغف بهالمجال وطموح ان نبحث بيه اكثر ونشوف اكثر عنه. 🚶🏿♂️
بعد اول ١٠ ايام تقريباً الموضوع جان صعب بالبدايه لان لازم تلتزم يومياً بعدد ساعات من الدراسه ولازم تكون بهالساعات بكل واهس وشغف حتى تفهم وتتعلم وليس فقط تقره وتشوف وتدخلت هواي عوامل بدت تاثر على هالاتزام هذا وهنا بدا التحدي يتحول الى مو بس شغف ودراسه لا تحول الى تحدي للظروف وتحدي للوضع كله الي انت بيه .🧐🙁
بال١٠ ايام الثانيه جانت درجة صعوبتها اكثر هنا بدت العوارض تتفاقم وتكسر بواهسك منها خدميه ككهرباء ونت وهالامور ومنها نفسيه كضغط عمل ودراسة جامعه ودراسة هالدوره وخصوصاً ان بهالمرحله اكتشفت ان اني احتاج اكثر من مجرد دوره بهالمجال لا لازم اعيش بيه واتابع ناس عايشين بيه ويكون اغلب وقتي ع جهازي يطلع الي جوانب من التسويق واستمع الها او اشوفها وهنا بده عندي تفكير الانسحاب يتغلغل للدماغ..🙂🙃
وصار تحدي ببطن تحدي وسلسلة تحديات … تحدي تقره … تحدي ظروفك … تحدي ضغط حياتك … وتحديات اخرى منها كذلك تحدي الاستمرار وهو الاصعب والخيار ان تستمر او تنسحب جان خيار يعتمد عليه كلياً وبلحظه من اللحظات فكرت بالنتائج الي ممكن اجنيها من الاستمرار مقابل النتائج الممكن اجنيها من عدمه وهنا جانت الدفعه المعنويه المطلوبه .👊🏿
وبحدود نهاية الايام العشره الثانيه وبداية الايام العشره الاخيره تحول التحدي وياي الى اخر مرحله والي هي اصرار وعزيمه ان اخلص الدوره واخلص ورشه واتابع ناس وادرس هالمجال بمصادر اكثر وشغف اكثر وحسيت ان هالمجال صار جزء من حياتي يومياً اشاهد فديو واشوف ريل واشوف ناس تحجي بيه وباشيائه الي متخلص وتجدد يومياً .🏃🏻🏃🏻♂️
وباخر ٣ ايام للتحدي وقرب النهايه وتحقيق الهدف جان الشعور رهيب مر شريط ايام التحدي كدامي لحظه بلحظه وجان فد دافع كلش قوي الي الي خلاني اكمل التحدي وافكر اتحدى نفسي باشياء اكثر بالمستقبل كل شي صار بهالتحدي غير بيه شي وعرفني عن قدرتي اكثر وجعل عندي الايمان الكافي ان انت مسؤول عن نفسك تكدر تسوي كل شي بس انت المانع الوحيد امام نفسك فلازم تتغلب ع نفسك اولى وتحقق هدف ترويضها وحشوف باقي الاهداف تسلل فقط ابدأ بنفسك .💭😍 واخيراً ختمناها ورحله موفقه في بحر التسويق وبدايه جميله بشهاده جميله
بالنهايه شكراً مرتضى شكراً التيم المسؤول عن هالتحدي شكراً لكل من شارك وشكراً للي يقره حالياً وشكراً اله ثاني اذا فكر يتحدى روحه ويخطي هيج خطوه وشكراً الي والحمد لله الذي بقدرته تتم الصالحات 💜
كلش عاشت ايدك إنجاز رائع.. ان شاء الله كل التوفيق يا رب
ردحذفوايدج شكراً جزيلاً نتمنى التوفيق للجميع
حذف